موبائل ۽ انٽرنيٽ ڪرائم

اڄ ڪلھھ جي دور ۾ موبائل ڪميونيڪشن ۽ انٽرنيٽ جي عام ٿيڻ سان جرم به وڌندا پيا وڃن ۽ انھن جو اڪثر شڪار نوجوان ٿين پيا، ان ڪري مون سوچيو ته ھڪ اھڙو سلسلو شروع ڪيو وڃي جنھن ۾ اھڙن واقعن جي باري ۾ نوجوانن کي ڄاڻ ڏني وڃي ته جيئن اھي پاڻ کي مجرمن کان بچائي سگھن.

اڄ پھرين قسط ۾ ھڪ اھڙو واقعو بيان ڪجي ٿو جنھن کي اڃان صرف اٺ ڏينھن گذريا آھن، ھي واقعو منھجي ھڪ دوست سان پيش آيو آھي. منھنجي دوست جو اصل تعلق سيالڪوٽ سان آھي  مگر ھتي اسلام آباد ۾ درزڪو ڪم ڪندو آھي، ھن جي ساھرن جو تعلق گجرات سان آھي.  گذريل ھفتي ھن جي سالي کي ڪنھن ٽيليفون ڪال ڪئي ۽ ڇوڪِري جي آواز ۾ ڳالھائي چيو ته ڇا مونسان دوستي ڪندين، ھن نوجوان جي عمر 22 سال ھئي ۽ سبزي جو پنھنجو دڪان ھئس، ھي انھن جي ڳالھين ۾ اچي ويو ۽ انھنن مجرمن ھن کي ڪنھن جڳھھ تي گھرايو، ھتي ھڪ وضاحت  ڪرڻ جي ضرورت آھي ته اڄ ڪلھھ ووئس چينجر جي ذريعي آواز تبديل ڪيو وڃي ٿو ۽ نيٽ تي اھڙو ڪڌو ڪم ڪيترائي نوجوان ڪن ٿا.

نوجوان انھن سان ملڻ لاءِ وڃڻ کان پھريان ان فون جو نمبر جنھن تان ڪال آئي ھئي، ڀرواري دڪاندار کي ڏنو ۽ چيو ته اگر ڪا ڳالھھ ٿي وڃي ته ھي نمبر محفوظ ڪري ڇڏ، خير نوجوان انھنن سان ملڻ ھليو ويو، ھن جي نظر ۾ ھڪ ڇوڪري سان ملاقات ھئي.

اھو ڇوڪرو وڃڻ کان پوءِ غائب ٿي ويو ٻه ٽي ڏينھن گذريا مگرڪو پتو نه پئجي سگھيو، پوءِ پوليس سان رابطو ڪيو ويو ۽ اھو نمبر به ڏنو يو، آخر ان نمبر جي ٽريس ڪرڻ سان پوليس مجرمن تائين پھچي ويئي. مگر ڇوڪرو قتل ٿي چڪو ھئو، مجرمن ڇوڪري جي ڌڙ کي بيدردي سان سر کان ڌار ڪري، گردا ڪڍي وڪرو ڪري ڇڏيا ۽ لاش کي باھ ڏئي ساڙي ڇڏيائون ، وارثن کي لاش جا صرف ڪجھھ حصا مليا آھن.

ھن واقعي کان پوءِ نوجوان دوستن کي درخواست ٿي ڪجي ته اھڙين ڪالن کي ٻڌڻ کان پوءِ پوليس ۾ رپورٽ ڪن، ڪنھن اڻڄاتل ماڻھو سان ڳالھائڻ جو ڪو فائدو ناھي.